Kólik salasynda jalpy somasy 2,4 trln. teńgege 57 joba iske asyrylady

qpannyń 19-y. QazAqparat /Rýslan Ǵabbasov/ - Aldaǵy jyldary jalpy ınvestıtsııa kólemi 6,5 trln. teńgeniń 162 jobasyn júzege asyrý josparlanǵan.

Bul týraly búgin Astanada Elbasynyń Joldaýyn júzege asyrý mindetterine arnalǵan alqa májilisinde Ábilǵazy Qusaıynov málim etti, dep habarlaıdy QazAqparat.

«Elbasynyń tapsyrmasy boıynsha Úkimet Údemeli ındýstrııaldyq-ınnovatsııalyq damýdyń memlekettik baǵdarlamasy men elimizdiń ındýstrııalandyrýdyń aıqyndalǵan kartasyn ázirledi»,-dedi mınıstr.

Bul eki qujat aldaǵy 5 jylda iske asyrylatyn naqty jospar ekenin jetkizgen vedomstvo basshysy, «jalpy ınvestıtsııa kólemi 6,5 trln. teńgeniń 162 jobasyn júzege asyrý josparlanǵan. Bul elimizdiń ishki jalpy óniminiń 40 paıyzdan astamy», dedi.

Á. Qusaıynovtyń sózine qaraǵanda, atalǵan baǵdarlama boıynsha kólik salasynda jalpy somasy 2,4 trln. teńgege 57 joba iske asyrylady. Onyń ishinde 1,1 trln. teńgeni quraıtyn 6 joba Indýstrııalandyrýdyń bazalyq kartasyna engen. Atap aıtqanda, olardyń arasynda avtomobıl joldary salasynda 3 joba, temirjol baǵytynda 2, sondaı-aq azamattyq avıatsııada 1 joba bar.