Kólik saqshylary jyl basynan beri zańsyz esirtki aınalymyna qatysty 63 qylmysty anyqtady
ASTANA. QazAqparat - Jyl basynan beri Kóliktegi ІІD-niń Esirtki bıznesine qarsy kúres basqarmasynyń qyzmetkerleri zańsyz esirtki aınalymyna qatysty 63 qylmysty anyqtady. Onyń ishinde 29-y esirtkini satý faktisi jáne 8-i kontrabandalyq jolmen tasymaldaý bolyp tabylady. Bul týraly Kóliktegi ІІD baspasóz qyzmeti habarlady.
Sondaı-aq, zańsyz aınalymnan 41 keli ártúrli esirtki zattary tárkilendi.
Jaqynda, jedel-izdestirý sharasy barysynda Shý stansasyndaǵy Jelilik polıtsııa bóliminiń qyzmetkerleri Shý stansasynyń temir jol vokzaly ótkelinde ótpeli kópir mańynda Jambyl oblysynyń D. esimdi turǵyny ustaldy. Kúdiktiniń jeke zattaryn tekserý kezinde, salmaǵy 2,55 gramm bolatyn «geroın» esirtki zaty tabylyp, tárkilendi.
Qylmystyq is qozǵaldy. Tergeý amaldary júrgizilýde.
