Kólik saqshylary jolaýshy áıelderdi 8 naýryz merekesimen quttyqtady
ASTANA. QazAqparat - Kóktemniń shuǵylaly merekesi qarsańynda QR ІІM Kóliktegi ІІD-niń qyzmetkerleri «Qaraǵandy-Qostanaı» baǵytyndaǵy jolaýshylar poezynda jol júrip bara jatqan barsha áıelderdi Halyqaralyq áıelder kúnimen quttyqtady, dep habarlaıdy QazAqparat Kóliktegi ІІD-niń baspasóz qyzmetine silteme jasap.
Tártip saqshylary áıel azamattarǵa ózderiniń izgi lebizderin bildirip, olarǵa túrli-tústi jaýqazyndardy syıǵa tartty. Rasynda polıtseıler tarapynan kórsetilgen bul tosynsyı jolaýshylardyń júzderine merekelik kóńil-kúı uıalatty.
Jolaýshy áıelder de kólik polıtseılerine degen sheksiz rızashylyqtaryn bildirdi.
Máselen, ózin 7 balanyń anasymyn dep tanystyrǵan Kúlash Abýtova Qostanaı qalasyna qydyryp bara jatyr eken. Altyn alqa ıegeri: «Poezdarda kólik polıtseılerin jıi kóremin. Olardyń jumystaryna rızamyz. Al búgin, mereke qarsańynda kútpegen jerden bizge gúl shoqtaryn syılaýy kóńilimizdi bir kóterip tastady. Eńbekteriniń jemisin kórsin!», - dep analyq aq tilegin jetkizdi.
Óz kezeginde polıtseıler mundaı merekelik sharany ótkizý departamenttiń dástúrine aınalǵandyǵyn aıtty. Sondaı-aq, kólik saqshylary barlyq jolaýshylarǵa temirjol obektilerinde qaýipsizdik erejelerin saqtaý boıynsha ázirlengen býkletter men jadynamalar taratty.
