Kólik saqshylary Táýelsizdik kúni merekesin atap ótti
Merekelik sharaǵa departament basshylyǵy, jeke quram men ishki ister organdarynyń ardagerleri qatysty.
Jıyndy quttyqtaý sózimen ashqan departament bastyǵy polıtsııa polkovnıgi Berik Bısenqulov: «Búgingi kúni qazaqstandyqtar Elbasymyz N. Á. Nazarbaevtyń esimin eldegi saıası turaqtylyqpen, Otandyq ekonomıkanyń qaryshtap damýymen jáne halyqtyń ál-aýqatynyń kóterilýimen tikeleı baılanystyrady. Táýelsizdik kúni - uly mereke, ulyq mereke. Bul jas memleketimizdiń irgetasyn qalaýǵa bar erik-jigerin jumsap, onyń ósip-órkendeýi jolynda aıanbaı eńbek etken barsha maıtalmandarǵa marapattaý men qoshemet kórsetetin meıram», - dedi.
Shara barysynda eńbegi elengen departament qyzmetkerleri Táýelsizdik kúnine oraı QR Іshki ister mınıstriniń buıryǵyna sáıkes qurmet gramotalar jáne alǵys hattarmen marapattaldy. Sonymen qatar, úzdik dep tanylǵan qyzmetkerlerge departament basshylyǵynyń alǵys hattary men gramotalary tabys etildi, - dep habarlady Kóliktegi ІІD baspasóz qyzmetinen.
