Kólik saqshylary qoǵamdyq oryndardy lastaýshylarǵa jazany kúsheıtti
ASTANA. 4 jeltoqsan. QazAqparat - Memleket basshysynyń qoǵamdyq oryndardy lastaýmen baılanysty quqyq buzýshylyqtardy anyqtaý jáne olardyń aldyn alý jónindegi tapsyrmasyn oryndaý maqsatynda
Kóliktegi ishki ister departamenti keshendi jumystar atqarýdy. Atap aıtqanda, kópshilik paıdalanatyn oryndardy lastaý, onyń ishinde turmystyq qaldyqtardy belgilenbegen oryndarǵa tastaý faktileriniń jáne qoǵamdyq tártipti buzý bolyp tabylatyn basqa da osyndaı áreketterdiń aldyn alý maqsatynda temirjol vokzaldary men áýejaılar, perrondar, sondaı-aq jolaýshylar poıyzdarynda quqyqtyq tártipti qadaǵalaý boıynsha jumystar júrgizildi. Bul týraly Kóliktegi ishki ister departamentiniń baspasóz qyzmetinen habarlandy.
Atap aıtqanda, 2012 jylǵy 1 mamyr men 19 qarasha aralyǵynda departament boıynsha usaq buzaqylyqtyń 556 faktisi anyqtaldy, olardyń 178-i kópshilik paıdalanatyn oryndardy lastaýmen, belgilenbegen oryndarda qoqys tastaýmen baılanysty boldy. Ákimshilik jaýapkershilikke tartylǵan 178 quqyq buzýshynyń 131-ine jalpy somasy 713766 teńgege (óndirip alý 100 paıyz) aıyppul salyndy, 47 adam ákimshilik qamaýǵa jabyldy.
Sonymen qatar, qoǵamdyq oryndarda temeki tartqany úshin - 371 tulǵa anyqtalyp, ákimshilik jaýapkershilikke tartyldy.
