Kólik prokýrorlary memlekettik shekarany zańsyz kesip ótýdiń 200-den astam faktisin anyqtady
«Bıylǵy jyldyń 13 mamyrynan bastap Úkimet janyndaǵy vedomstvoaralyq komıssııanyń sheshimimen qazaqstandyq medıtsınalyq mekemelerge emdelýge kelgenderdi qospaǵanda, barlyq sheteldik azamattarǵa memlekettik shekaradan ótý shekteldi. Kólik prokýratýrasy júrgizgen taldaý nátıjesi boıynsha Tájikstannyń 232 azamatyna Qazaqstannyń medıtsınalyq mekemelerinde emdelgeni týraly jalǵan medıtsınalyq anyqtamalar berip, zańsyz kóshi-qondy uıymdastyrý faktilerin anyqtady»,–dep habarlady vedomstvadan.
Prokýratýranyń bastamasymen Qylmystyq kodekstiń 394-babynyń 2-bóligi (zańsyz kóshi-qondy uıymdastyrý) boıynsha sotqa deıingi tergep-tekserý bastaldy. Tergeý jumystaryn Almaty qalasy áýejaıynyń Jelilik polıtsııa bólimi júrgizedi.
Sheteldikterge qatysty Qylmystyq kodekstiń 392-baby (Memlekettik shekarany qasaqana zańsyz kesip ótý) boıynsha faktilerdi sotqa deıingi tergep-tekserýdiń biryńǵaı tizilimine tirkeý týraly másele sheshilýde.