Kólik prokýratýrasy apatty jaǵdaıda qonǵan Bek Air ushaǵyna qatysty tergeý júrgizip jatyr
ASTANA. QazAqparat - Bas kólik prokýratýrasy Bek Air ushaǵyna qatysty oqıǵany tergep jatyr. Bul týraly atalǵan vedomstvonyń baspasóz qyzmeti habarlady.
«Qazirgi ýaqytta bolǵan jaǵdaı jan-jaqty tekserilip jatyr. Zań buzý oqıǵasy anyqtalsa, laıyqty jaza qoldanylady», - delingen habarlamada.
Baspasóz qyzmeti 17 mamyr kúni saǵat 23:41-de áýejaıdyń dıspetcherlik qyzmetinen «Astana-Aqtóbe» baǵytynda ushyp ketken «BekEır» AQ-ǵa tıesili ushaqtyń apattyq sıgnaldyń oınaýyna baılanysty qaıta qonǵaly jatqany jaıly habar kelip túskenin eske salady. Bortta 108 jolaýshy bolǵan, onyń 17-i - bala. Sondaı-aq, 6 ekıpaj múshesi bolǵan.
Óz kezeginde ІІJB ushaqtyń apattyq jaǵdaıda qoný oqıǵasyn QR QK 344-baby 1-bóligi boıynsha sotqa deıingi tergeýdiń biryńǵaı tizimine tirkedi.
Tergeý sharalary barysynda polıtsııa ushaqty tekserip, tergeý obektisi retinde ony jaýyp tastady. «Qazaeronavıgatsııa» RMK-ǵa ushaqty ushyrmaý týraly talap joldandy.
Qazirgi tańda Qazaqstan Respýblıkasy Investıtsııalar jáne damý mınıstriniń 2017 jylǵy 18 mamyrdaǵy № 276 buıryǵymen atalmysh oqıǵany tekserý jónindegi komıssııa taǵaıyndaldy.
