Kólik prokýratýrasy Almaty áýejaıynyń kommertsııalyq nysandaryn memleketke qaıtardy

ASTANA. QazAqparat - Almaty qalasynyń Avıatsııalyq kólik prokýratýrasy zańsyz shyǵarylǵan memlekettik aktıvterdi qaıtarý jónindegi jumys sheńberinde Almaty halyqaralyq áýejaı jolaýshylar termınalynyń kommertsııalyq úı-jaılaryn jeke tulǵalardyń paıdasyna zańsyz ıelikten shyǵarǵanyn anyqtady.

Bul týraly QazAqparat Bas kólik prokýratýrasyna silteme jasap habarlaıdy.

Máselen, 2003 jyly «Imstalkom» AQ Almaty qalasy ákimdiginiń tapsyrysy boıynsha jańa jolaýshylar termınalyn saldy. Qurylys aıaqtalǵannan keıin jańartylǵan termınaldyń saýda alańdarynyń bir bóligi merdigerge shart boıynsha 333 mln teńge mólsherinde qalǵan somany óteý esebine ótti.

Sonymen qatar, Іshki memlekettik aýdıttiń nátıjesi boıynsha qurylys salýshy aldynda qandaı da bir bereshek bolmaǵany belgili boldy.

Ákimdikke osy obektilerge menshik quqyǵyn qaıtarý úshin avıatsııalyq kólik prokýratýrasy Túrksib aýdandyq sotyna jaýapker A.Baqtııarqyzyna jalpy aýdany 1 118,5 sh.m. jolaýshylar termınalynyń kommertsııalyq úı-jaılaryn ıelikten shyǵarýǵa baılanysty barlyq mámlelerdi jaramsyz dep taný týraly talap aryzben júgindi.

Sottyń 29.12.2022 jylǵy sheshimimen prokýratýranyń talap-aryzy tolyq kólemde qanaǵattandyryldy. Sot aktisi a.j. 13 naýryzynda kúshine endi.

«Búgingi tańda sottyń sheshimin oryndaý aıasynda menshik quqyǵyn Almaty qalasy ákimdigine tirkeý «Azamattarǵa arnalǵan úkimet» AQ boıynsha, al Ádilet departamentimen obektilerdi memleket paıdasyna tikeleı berý jumystary bastaldy»,-delingen Bas kólik prokýratýrasynyń baspasóz yqzmeti taratqan habarlamada.