Kólik polıtsııasy qyzmetkerleri 60 kılogramnan astam esirtki zatyn tárkiledi - Kóliktegi ІІD
ASTANA. 23 mamyr. QazAqparat/Aınur Kenebaeva/ - Aǵymdaǵy jyldyń 21 mamyrynda Kóliktegi ishki ister departamentiniń esirtki bıznesimen kúres bóliminiń tártip saqshylary Lýgovaıa stansasynda 60 kılogramnan astam esirtki zatyn tárkiledi.
Saraptama barysynda esirtki zatynyń «keptirilmegen marıhýana» ekendigi anyqtaldy. Bul týraly QR ІІM Kóliktegi ishki ister departamentiniń baspasóz qyzmetinen habarlady.
Baspasóz qyzmeti taratqan aqparatqa sáıkes, Tátti-Quraǵaty temirjol qýmasynyń 3670 shaqyrymynda Jambyl oblysynyń jumyssyzdar qataryndaǵy turǵynynan salmaǵy 35 kg 500 gramm salmaqtaǵy keptirilmegen marıhýana tárkilengen. Kúdikti tutqyndalyp, ýaqytsha ustaý ızolıatoryna jabylǵan.
Sondaı-aq shuǵyl izdestirý sharalary nátıjesinde sol temirjol bóliginiń 3668 shaqyrymynda 35 jasar Taraz qalasynyń turǵyny tutqyndalǵan. «Tártip saqshylarynyń qolyna túsken jumyssyz azamattan jalpy salmaǵy 25 kılogramm 700 gramm salmaqtaǵy keptirilmegen marıhýana tabylǵan» delingen aqparatta.
Eki zań buzýshylyq faktisi boıynsha QR Qylmystyq kodeksiniń 259 babynyń 1- bólimine sáıkes qylmystyq is qozǵaldy.
