Kólik polıtsııasy qyzmetkerleri 3 keliden astam esirtki zatyn tárkiledi
ASTANA. 28 aqpan. QazAqparat /Aınur Kenebaeva/ - Ótken aptada kóliktegi ІІD qyzmetkerleri úsh keliden astam esirtki zatyn tárkiledi,
dep habarlady ІІD baspasóz qyzmetinen.
Kelip túsken aqparatqa sáıkes, aǵymdaǵy jyldyń 23 aqpanynda shuǵyl izdestirý sharalary nátıjesinde kólik polıtsııasy qyzmetkerleri Qaraǵandy qalasynda 29 jastaǵyazamatqa esirtki zatyn satqan 45 jasar qala turǵynyn ustady. Tekseris barysynda onyń avtokóliginen 1 keli 503,20 gramm kólemindegi keptirilgen marıhýana tárkilendi.
Sonymen qatar 24 aqpan kúni Merki stansasynda 1 keli 10 gramm esirtki zatymen 42 jastaǵy Taraz qalasynyń turǵyny ustaldy. Sol kúni Tátti stansasynda 44 jastaǵy azamattan 1 keli 90 gramm kólemindegi keptirilgen esirtki zaty tárkilendi. Atalǵan qylmystyq jaǵdaılar boıynsha hımııalyq sot-saraptama isi júrgizilip jatyr, delingen kelip túsken aqparatta.
