Kólik polıtsııasy 300-den astam shetel azamatyn jazaǵa tartty

ASTANA. QazAqparat - Jol polıtsııasy qyzmetkerleri Qyzylorda stansasynda «Almaty-Oral» baǵytyndaǵy jolaýshylar poıyzy vagondarynyń birinde qujat tekserý kezinde 33 jastaǵy Tájikstan azamatyn ustady, dep habarlaıdy QazAqparat kóliktegi polıtsııa departamentiniń baspasóz qyzmetine silteme jasap.

Qazaqstan Respýblıkasyna kelgen azamat ishki ister organdarynda zańda belgilengen merzim boıynsha tirkelmegen. Oǵan qatysty ákimshilik hattama toltyryldy.

Qyzylorda mamandandyrylǵan ákimshilik sotynyń sheshimimen quqyq buzýshy ákimshilik jaýapkershilikke tartylyp, oǵan qatysty QR aýmaǵynan shyǵarý túrindegi ákimshilik shara qoldanyldy.

Aıta keteıik, jyl basynan beri jol polıtsııasy qyzmetkerleri Qazaqstanda júrip-turý erejelerin buzǵan 337 shetel azamatyn ákimshilik jaýapkershilikke tartty, onyń 291-i - TMD azamattary, alys shetelderden kelgender sany - 46.