Kólik polıtseıleri jyl basynan beri 320 keliden asa esirtki zattaryn tárkiledi

ASTANA. QazAqparat - Bıyl jyl basynan beri Kóliktegi ІІD qyzmetkerleri 60 esirtki qylmysyn anyqtady, sonyń ishinde esirtki zattarynyń kontrabandasyna qatysty 3 fakti, esirtki zattarynyń zańsyz aınalymyna qatysty 161 qylmystyq teris qylyq, sondaı-aq, 322 keli esirtki zattary tárkilenip alyndy, dep habarlady atalǵan vedomstvonyń baspasóz qyzmetinen.

Máselen, 11 maýsym kúni saǵat 07.05-te Shý stantsııasyndaǵy Jelilik polıtsııa bóliminiń qyzmetkerleri «Kóknár-2016» jedel-profılaktıkalyq is-sharasynyń barysynda «Shý-Qumózek» ótkelinde Jambyl oblysynyń 21 jastaǵy turǵynyn ustady.

Tekserý barysynda odan ózindik ıisi bar, jasyl tústi ósimdik tektes zat tabylyp, tárkilenip alyndy.
Saraptama qorytyndysy boıynsha onyń jalpy salmaǵy 5 keli 440 grammdy quraıtyn «marıhýana» esirtki zaty ekendigi anyqtaldy.

Sol kúni, saǵan 8.00-de Jambyl oblysynyń 1992 jyly týǵan turǵyny ustaldy.
Tekserý barysynda odan ózindik ıisi bar, jasyl tústi ósimdik tektes zat tabylyp, tárkilenip alyndy.
Saraptama qorytyndysy boıynsha onyń jalpy salmaǵy 5 keli 900 grammdy quraıtyn «marıhýana» esirtki zaty ekendigi anyqtaldy.

Atalǵan fakt sotqa deıingi tergeýdiń biryńǵaı reestrine QR QK-niń 297 baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tirkeldi.

Kúdiktiler Shý stansasyndaǵy JPB-niń ýaqytsha ustaý ızolıatoryna otyrǵyzyldy.

Qazirgi ýaqytta kúdiktilerdiń osyǵan uqsas qylmystarǵa qatystylyǵy anyqtalýda.