Kólik polıtseıleri jyl basynan 12 myń adamdy ákimshilik jaýapqa tartty
ASTANA. QazAqparat - QR ІІM Kóliktegi ІІD qyzmet kórsetý aýmaǵynda quqyq buzýshylyqtardyń aldyn alý jáne tártipsizdikke jol bermeý, usaq quqyq buzýshylyqqa «nól tózimdilik» qaǵıdatyn qalyptastyrý maqsatynda kólik polıtseılerimen birqatar is-sharalar júzege asyrylýda.
Departament basshysynyń orynbasary polıtsııa polkovnıgi Talǵat Ótetileýovtiń aıtýynsha, 2017 jyldyń basynan beri departament pen onyń bólinisteriniń qyzmetkerleri 12 030 quqyq buzýshyny ákimshilik jaýapkershilikke tartty. «Sonyń ishinde «nól tózimdilik» qaǵıdaty boıynsha - 3 951, usaq quqyq buzýshylyq jasaǵany úshin - 357, qoǵamdyq oryndarǵa mas kúıde kelgeni úshin - 1482, temeki shegýge tyıym salýdy buzǵany úshin - 1109, táýliktiń túngi ýaqyttarynda balalardyń úlkenderdiń ilesip júrýinsiz bolǵany úshin - 79, belgilenbegen oryndarda saýda jasaǵany úshin - 770, qoǵamdyq oryndarda adamdardyń mazasyn alý boıynsha - 154, sonyń ishinde - 88 taksı júrgizýshisi jaýapkershilikke tartyldy» - dedi T. Ótetileýov.
Kámeletke tolmaǵandardy beıimdeý ortalyǵyna 41 jasóspirim ornalastyryldy.
Sondaı-aq, atalǵan merzimde elimizdiń kólik polıtseıleri turaqty meken jaıy men qujattary joq 152 adamdy qabyldap-taratý oryndaryna, 162 adamdy medıtsınalyq aıyqtyrǵyshqa, 262 adamdy ákimshilik tutqyndalǵandarǵa arnalǵan arnaıy qabyldaý oryndaryna ornalastyrdy.
Aıta keteıik, Naýryz meıramy qarsańynda 19-24 naýryz aralyǵynda elimizdiń temirjol vokzaldary men áýejaılarda, jolaýshylar poıyzdarynda quqyqtyq tártip pen qaýipsizdikti qamtamasyz etý maqsatynda Kóliktegi ІІD jeke quramy kúsheıtilgen jumys tártibine kóshedi.
