Kólik polıtseıleri zańsyz maınıng fermasyn anyqtady

NUR-SULTAN. QazAqparat – Almaty-1 stantsııasyndaǵy jelilik polıtsııa basqarmasynyń qyzmetkerleri Qundyzdy stantsııasynyń temirjol tuıyǵy aýmaǵynda jedel izdestirý is-sharalary barysynda maınıng operatsııalaryna jabdyqtalǵan úı-jaıdy anyqtady, dep habarlaıdy QazAqparat tilshisi.

Kóliktegi polıtsııa departamentiniń bastyǵy Ońal Bekeevtiń málim etkenindeı, tekserý barysynda krıptovalıýtalardy óndirýge arnalǵan maınıngke arnalǵan apparatýranyń 130 jáshigi tabyldy.

Oǵan qosa apparatýranyń qatty dıskileri men qosalqy bólshekteri tárkilendi.

Onyń sózine qaraǵanda, atalǵan derek boıynsha sotqa deıingi tergeý amaldary bastaldy. Qajetti jedel tergeý is-sharalary júrgizilip jatyr.

«Ózge aqparat QR Qylmystyq is júrgizý kodeksiniń 201-babyna sáıkes jarııa etýge jatpaıdy», dedi polıtsııa general-maıory O.Bekeev.

Eske sala keteıik, budan buryn kólik saqshylarynyń ulttyq qundylyqtardy ulyqtap, dástúrimizdi dáriptegenin jazǵan bolatynbyz.