Kólik polıtseıleri zańsyz aınalymnan 3 tonnadan astam ár túrli esirtki zattary tárkiledi
ASTANA. QazAparat - Kóliktegi ІІD Kınologııalyq qyzmet ortalyǵynyń, Jolaýshylar poıyzdaryna ilesip júrý batalony jáne Almaty-1 stansasyndaǵy Esirtki bıznesine qarsy kúres bóliminiń qyzmetkerlerimen Almaty-1 st. Іshki ister jelilik basqarmasynyń jáne Almaty qalasy áýejaıyndaǵy jelilik polıtsııa bóliminiń qyzmet kórsetý aýmaǵynda jedel-izdestirý jáne profılaktıkalyq is-sharalary ótkizildi.
Onyń nátıjesinde Qyzylorda-Semeı, Almaty-Pavlodar, Almaty-Óskemen, Almaty-Astana jolaýshylar poıyzdarynda esirtki bıznesine qarsy kúres salasy boıynsha 5 qylmystyq áreket anyqtaldy, zańsyz esirtki aınalymynan 200 gr. astam ár túrli esirtki zattary tárkilendi.
Aıta ketken jón, aǵymdaǵy jyldyń 8 aıynyń qorytyndysy boıynsha esirtki zattaryn izdeýge daıyndalǵan qyzmettik ıtterdiń kómegimen 100 astam esirtkige baılanysty qylmystar anyqtaldy.
Sondaı-aq, osy merzim aralyǵynda Kóliktegi Іshki ister departamenti bólinisterimen zańsyz esirtki aınalymyna qatysty 202 qylmystyq is qozǵaldy, onyń ishinde 24-i esirtkini satý faktisi, al 7 oqıǵa esirtki zatyn kontrabandalyq jolmen tasymaldaý boıynsha.
Zańsyz aınalymnan 3 tonna 734 kg. astam ár túrli esirtki zattary tárkilendi, dep habarlaıdy KІІD baspasóz qyzmeti.
