Kólik polıtseıleri reseılik azamatty tonaǵan 55 jastaǵy ShQO turǵynyn ustady
ASTANA. QazAqparat - 2014 jylǵy 5 qazan kúni Jańa-Semeı stantsııasyndaǵy jelilik polıtsııa bólimine Reseı Federatsııasynyń 32 jastaǵy azamaty aryzdanyp keldi. Onyń aıtýynsha, dál osy kúni saǵat 10.15-te «Novosıbırsk-Almaty» baǵytyndaǵy jolaýshylar poıyzynyń toqtap turǵan kezinde, vagondardyń birindegi kýpede belgisiz bireýler jalpy quny 154 myń teńge turatyn «IPHONE-4S» jáne «HUAWEI» uıaly telefondaryn urlap ketken. Bul týraly Kóliktegi ІІD baspasóz qyzmetihabarlady.
Jedel-izdestirý sharasy barysynda Semeı stantsııasyndaǵy ishki ister jelilik bóliminiń qyzmetkerleri Semeı stantsııasynyń vokzal mańyndaǵy alańda Shyǵys-Qazaqstan oblysynyń 55 jastaǵy turǵynyn ustady.
Urlanǵan telefondar tárkilendi. Qazir osy faktige sáıkes, QR QK-niń 175-baby, ıaǵnı, urlyq boıynsha qylmystyq is qozǵaldy, delingen habarlamada.
