Kólik polıtseıleri poıyzdarda «Uıaly telefonyńdy saqta!» aldyn alý is-sharasyn ótkizdi
ASTANA. 2 aqpan. QazAqparat - QR ІІM Kóliktegi Іshki ister departamenti 2012 jyldyń 1 aqpanynda jolaýshylar poıyzdarynda oryn alatyn ózgeniń múlkin urlaýǵa qatysty quqyqbuzýshylyq pen qylmystyń aldyn alý maqsatynda jolaýshylar poıyzdarynda «Uıaly telefonyńdy saqta!» atty jedel-aldyn alý is-sharasyn bastady.
Atalǵan is-shara 2012 jyldyń 10 aqpanyna deıin jalǵasyn tappaq, dep habarlady atalǵan vedomstvonyń baspasóz qyzmetinen.
Alǵashqy kúni-aq «Almaty-Petropavl» baǵytymen júretin №15 jolaýshylar poıyzy men «Kókshetaý-Qyzylorda» baǵytymen júretin №56 jolaýshylar poıyzy is-shara ótkizý nysanasyna ilikti. Atalǵan is-sharaǵa Kóliktegi ІІD Qoǵamdyq qaýipsizdik basqarmasynyń qyzmetkerleri tartyldy.
KІІD Qoǵamdyq qaýipsizdik basqarmasynyń bastyǵy polıtsııa polkovnıgi Ámirjan Aqsholaqovtyń málimdeýinshe, respýblıkamyzdaǵy jolaýshylar poıyzdarynda jıi oryn alatyn jedel jaǵdaıǵa baılanysty jolaýshylar poıyzdarynda jolaýshylardyń jeke múlikteriniń, ásirese, uıaly telefon urlyǵynyń aldyn alýǵa baǵyttalǵan osy «Uıaly telefonyńdy saqta!» atty jedel-aldyn alý is-sharasyn ótkizý týraly sheshim qabyldandy. Іs-sharanyń maqsaty - jolaýshylar poıyzdarynda jolaýshylardyń óz zattaryna qyraǵy jáne muqııat bolýǵa taǵy da úndeý.
«Almaty-Petropavl» baǵytyndaǵy №15 jolaýshylar poıyzynda atylmysh is-sharany ótkizýge poıyz brıgadıri A.Jamashev qoldaý kórsetip, birlese ótkizýge kómek qolyn sozdy. Usynylǵan daýys ulǵaıtqysh baılanysy arqyly barlyq jolaýshylar is-sharadan habardar boldy.
Departamenttiń QQB qyzmetkerleri uıaly telefondardardyń urlaný jaǵdaıy men sebepterin anyqtaý maqsatynda jolaýshylardan saýalnama aldy. Saýalnamaǵa 40 jolaýshy qatysty.
Jedel aldyn alý sharasy barysynda kólik polıtsııa qyzmetkerleri jolaýshylarǵa jeke zattary urlanǵan jaǵdaıda áreket etý sharalary jazylǵan eskertpe únparaqtaryn taratty.
