Kólik polıtseıleri Pavlodar áýejaıynda elimizde zańsyz júrgen eki AQSh azamatyn ustady
ASTANA. QazAqparat - 27 maýsymda «Quqyq buzýshylyq pen tártipsizdikke múldem tózbeýshilik» aktsııasyn júrgizý kezinde Pavlodar stansaıasyndaǵy Іshki ister jelilik bóliminiń qyzmetkerleri Pavlodar qalasy áýejaıynda «Pavlodar-Máskeý» áýe reısine jolaýshylardy tirkeý kezinde buryn Qazaqstan Respýblıkasynyń azamattary bolǵan, Amerıka Qurama Shtatynyń 2 azamatyn anyqtap, ustady.
Kóliktegi ІІD baspasóz qyzmetiniń habarlaýynsha, olardyń biri, 2007 jyly Pavlodar qalasynan ketip, 2012 jyly resmı túrde AQSh azamattyǵyn alǵan Mınısot shtatynyń Igan qalasynyń 43 jastaǵy turǵyny. Ekinshisi, 2014 jyly AQSh azamattyǵyn alǵan Mınısot Shtaty Shakopı qalasynyń 82 jastaǵy turǵyny bolyp shyqty.
Qujattardy tekserý barysynda olardyń 2016 jylǵy 25 mamyrdan bastap Qazaqstan aýmaǵyna kelip, AQSh azamattary bola tura Qazaqstan Respýblıkasynyń tólqujattaryn paıdalanǵany, ıaǵnı, QR zańnamasyn buzǵany anyqtaldy.
Atalǵan fakt boıynsha kólik polıtseıleri AQSh azamattarynyń ústinen ÁQBtQ RK 496-babynyń 1-tarmaǵy boıynsha (QR azamattyǵynan aıyrylǵan adamnyń QR azamatynyń pasportyn jáne (nemese) jeke kýáligin paıdalanýy) ákimshilik hattama toltyryp, olardyń árqaısysynan 100 AEK, ıaǵnı 212 100 teńge kóleminde ákimshilik aıyppul salyndy.
