Kólik polıtseıleri «Múldem tózbeýshilik» aktsııasy aıasynda 14300 adamdy jaýapqa tartty
NUR-SULTAN. QazAqparat – Kólik polıtseıleri «Múldem tózbeýshilik» aktsııasy aıasynda 14300 adamdy ákimshilik jaýapqa tartty, dep habarlaıdy QazAqparat QR ІІM Kóliktegi polıtsııa departamentiniń baspasóz qyzmetine silteme jasap.
Arqalyq stantsııasyndaǵy Jelilik polıtsııa bóliminiń qyzmetkerleri qoǵamdyq orynda, atap aıtqanda Arqalyq qalasynyń temirjol vokzalynyń ǵımaratynda balaǵat sózder aıtyp, adamdardyń mazasyn alyp, qoǵamdyq tártipti buzǵan 36 jastaǵy azamattyń ákimshilik quqyq buzýshylyq jasaǵanyn anyqtady.
Oǵan qatysty QR ÁQBtK 434-babynyń 1 tarmaǵy boıynsha ákimshilik is qozǵaldy.
Arqalyq qalalyq soty joǵaryda atalǵan azamatty ákimshilik jaýapqa tartý týraly qaýly shyǵaryp, ony 5 táýlik merzimge qamaýǵa alý túrindegi ákimshilik jazaǵa tartty.
«Eske sala keteıik, aǵymdaǵy jyldyń 23-27 qyrkúıegi aralyǵynda Kóliktegi polıtsııa departamentiniń qyzmet kórsetý aýmaǵynda tártipsizdik pen quqyq buzýshylyqtarǵa «Múldem tózbeýshilik» keń kólemdi aktsııasy ótkizildi. Aktsııa aıasynda elimizdiń kólik polıtseıleri áýe jáne temirjol kóligi nysandaryndaǵy túrli quqyq buzýshylyqtar úshin 14369 adamdy ákimshilik jaýapqa tartty»,-delingen habarlamada.
