Kólik polıtseıleri mereke kúnderi 700-den asa quqyq buzýshyny ákimshilik jaýapkershilikke tartty
ASTANA. QazAqparat - «Quqyqtyq tártip» jedel-profılaktıkalyq is-sharasynyń 3 kúni ishinde 14 qylmys, sondaı-aq buryn jasalǵan 2 qylmys ashyldy. Іzdeýde júrgen 3 qylmysker ustaldy, dep habarlaıdy Kóliktegi ІІD baspasóz qyzmeti.
Esirtki zattaryn saqtaýdyń 2 faktisi anyqtaldy.
Máselen, 2 mamyr kúni Jambyl st. Іshki ister jelilik basqarmasynyń qyzmetkerleri Jambyl st. temir jol vokzalynyń perronynda Taraz qalasynyń 28 jastaǵy turǵynyn ustady. Tekserý barysynda ustalǵan azamatshanyń polıetılendi paketinen ózindik ıisi bar, jasyl tústi, ósimdik tektes zat tabylyp, tárkilendi. Saraptama qorytyndysyna saı bul zattyń salmaǵy 1 keli 100 gramm «keptirilgen marıhýana» ekeni anyqtaldy.
Atalǵan fakt QR QK 296 babynyń 4 tarmaǵy (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) boıynsha sotqa deıingi tergeýdiń biryńǵaı tiziliminde tirkeldi.
Sondaı-aq, kólik polıtseıleri ártúrli ákimshilik quqyq buzýshylyqtar úshin 745 quqyq buzýshyny jaýapkershilikke tartty, sonyń ishinde usaq buzaqylyq úshin - 27, spırttik ishimdikterdi ishý jáne qoǵamdyq oryndarda mas kúıinde júrý boıynsha - 105, belgilenbegen oryndarda saýda jasaý -63, QR kelý tártibin buzǵany úshin 20 sheteldik azamat ustaldy.
Zańdy ókilderiniń ertýinsiz úı jaǵdaıynan tysqary júrgen kámelet jasyna tolmaǵan 4 jasóspirim anyqtaldy.
Ýaqytsha beıimdeý ortalyqtaryna - 12, qabyldap-taratý oryndaryna 2-eýi ornalastyryldy.
Atalǵan shara sheńberinde 184 adamnan saýsaq izderi alynyp, foto-beıne esepke qoıyldy.
