Kólik polıtseıleri memleketaralyq izdeýde bolǵan eki qylmyskerdi ustady
NUR-SULTAN. QazAqparat - Kólik polıtseıleri memleketaralyq izdeýde bolǵan eki qylmyskerdi qolǵa túsirdi. Bul týraly QazAqparat Kóliktegi polıtsııa departamentiniń baspasóz qyzmetine silteme jasap habarlaıdy.
Kólik polıtseıleri jedel-izdeý sharalaryn ótkizý barysynda Nur-Sultan qalasynyń temirjol vokzalynda QR Qylmystyq kodeksiniń 191-babynyń 2-bólimi boıynsha sottalyp, probatsııalyq baqylaýdan jasyrynyp júrgen 1971 jylǵy er adamdy ustady. Bul týraly QR ІІM Kóliktegi polıtsııa departamenti bastyǵynyń orynbasary Nurjan Álibaev málim etti.
Onyń aıtýynsha, ustalǵan er adam buryn osyǵan uqsas qylmys jasaǵany úshin sottalǵan. Ol Nur-Sultan qalasy QAJD tergeý abaqtysyna qamaýǵa alyndy.
Sondaı-aq, departamenttiń krımınaldyq polıtsııa basqarmasynyń qyzmetkerleri Almaty qalasy áýejaıynyń jelilik polıtsııa bóliminiń qyzmetkerlerimen birlesip qalanyń halyqaralyq áýejaıynyń termınalynda RF Qylmystyq kodeksiniń 159-babynyń 4-bólimimen («Alaıaqtyq») qarastyrylǵan aýyr qylmys jasaǵany úshin 2020 jyldan beri izdeýde bolǵan Reseı Federatsııasynyń 38 jastaǵy azamatyn qolǵa túsirdi. Ustalǵan er adam Almaty qalasy polıtsııa departamentiniń ýaqytsha ustaý oqshaýlaǵyshyna qamaldy. Ony RF aýmaǵyna ekstradıtsııalaý máselesi qarastyrylyp jatyr.
