Kólik polıtseıleri mamyr aıyndaǵy mereke kúnderi qyzmet ótkerýdiń kúsheıtilgen nysanyna kóshirildi
ASTANA. QazAqparat - 2014 jylǵy 1-3 jáne 7-10 mamyr aralyǵynda Kóliktegi ishki ister departamentiniń jeke quramy «Qazaqstan halqynyń birligi Kúnin», «Otan qorǵaýshylar kúnin» jáne «Jeńis kúnin» merekeleý kezeńinde quqyqtyq tártip pen qaýipsizdikti qamtamasyz etý maqsatynda qyzmet ótkerýdiń kúsheıtilgen nysanyna kóshirildi. Bul týraly Kóliktegi ІІD baspasóz qyzmeti habarlady.
Kóliktegi ІІD bastyǵynyń orynbasary polıtsııa polkovnıgi Talǵat Ótetileýovtyń aıtýynsha, basshy quramynan jaýapty laýazymdy adamdardyń kezekshiligi bekitildi. Oqıǵa ornyna jedel shyǵý jáne qylmystardy «izin sýytpaı» ashýdy qamtamasyz etý maqsatynda qosymsha kezekshi jedel-tergeý toby qurylmaq. Buǵan qosa, departamenttiń qyzmet kórsetý aýmaǵynda, qoǵamdyq oryndarda, sondaı-aq mádenı-buqaralyq is-sharalar ótkizý oryndarynda quqyqbuzýshylyqtardyń aldyn alý jáne jolyn kesý boıynsha qosymsha sharalar qabyldanbaq.
Kúsheıtilgen qyzmet ótkerý barysynda mańyzdy jáne asa mańyzdy nysandardy, sondaı-aq, tirshilikti qamtamasyz etý nysandaryn kúzetý kúsheıtilmek.
