Kólik polıtseıleri qymbat uıaly telefon urlaǵan astanalyqty ustady
ASTANA. QazAqparat - 27 qańtary kúni Іshki ister jelilik bólimine 43 jastaǵy elorda turǵyny habarlasyp, Astana qalasynyń temir jol vokzalynyń kireberisinde qymbat uıaly telefonynyń joǵalǵany týraly shaǵym túsirdi, dep habarlady Kóliktegi ІІD-niń baspasóz qyzmetinen.
Jedel-izdestirý sharasy barysynda 27 jastaǵy Astana turǵyny ustaldy. Aıǵaq zat tabylyp, alyndy. Qazirgi ýaqytta onyń ústinen QR QK-niń 188-babynyń 1-bólimine sáıkes, sotqa deıingi tergeý amaldary júrgizilýde. Departamenttiń Krımınaldyq polıtsııa basqarmasynyń bastyǵy Dáýlet Maqsutovtyń aıtýynsha, telefondardy poıyzda urlatý azamattardyń nemquraılyǵynan bolady. Sondaı-aq, ol Departamenttiń qyzmet kórsetý aýmaǵynyń uzaqtyǵy men jolaýshylardyń urlanǵan zattaryna qatysty faktiler týraly ótinishterin ishki ister jelilik bólimderine keshiktirip jasaýy kólik polıtseıleriniń qylmysqa der kezinde den qoıyp, olardyń «izin sýytpaı» ashylýyna múkindik bermeıtindigine de toqtaldy.
