Kólik polıtseıleri qylmystyq áreketter týraly aqparattardy dereý habarlaýdy suraıdy
ASTANA. QazAqparat - Kólik polıtseıleriniń zańnan tys áreketterimen betpe-bet kelgen nemese kýá bolǵan azamattar Kóliktegi ІІD Ózindik qaýipsizdik basqarmasyna habarlasýyn suraıdy.
Temir jol vokzalynda, áýejaılar men jolaýshylar poezdarynda Ózindik qaýipsizdik basqarmasynyń senim telefondary kórsetilgen, sondaı-aq qyzmetkerlerdiń uıaly telefondarynyń nómerleri bar aqparattarda bar.
Basqarmanyń senim telefonyna habarlasqan azamattardyń árbir aqparaty aýyzsha tirkeýge alynyp, zańmen belgilengen merzimde jáne jan-jaqqa habarlaný arqyly protsessýaldyq sheshim qabyldanady.
«Sol sııaqty senim telefondaryárbir jelilik bólinisterdiń kadr jónindegi basshylarynyń orynbasarlarynyń janynda ornalasqan. Jelilik bólinisterdegi senim telefondarynyń jumysy tikeleı Ózindik qaýipsizdik basqarmasymen baqylanady», - dedi QR ІІM Kóliktegi ІІD ÓQK basshysy polıtsııa maıory M. Aıtýǵanov.
Krımınaldyq polıtsııa basqarmasynnyń basshysy polıtsııa polkovnıgi D.Maqsutovtyń aıtýynsha, qazirgi ýaqytta Departamenttiń qyzmet kórsetý aýmaǵynda azamattardyń uıaly telefony urlanǵandyǵy týraly alaıaqtyq faktileri kóptep tirkelgen.
Demek, sizge tanys emes azamat kelip telefonyn joǵaltyp alǵanyn nemese urlanǵanyn aıtyp nemese birlikteriniń taýsylyp qalǵanyn syltaýratyp, bireýlerge sóılesip alýǵa sizdiń uıaly telefonyńyzdy suraıdy. Budan soń ol bireýge sóılesken syńaı tanytyp sizden alystaı bastaıdy, cizdiń onyń áreketin nazardan tys qaldyrǵan sátińizdi paıdalanyp, aldyn-ala oılastyryp qoıǵan jolmen sytylyp kete barady nemese vokzaldaǵy shoǵyrlanǵan adamdardyń arasyna kirip joq bolady.
Sondaı-aq stýdentterdiń ata-anasy nemese týystary jolaýshylardan sálemdeme berip jiberetin faktiler jıi ushyrasady (aqshalaı, zattaı, azyq-túlik, ártúrli zattar jáne t.b). Jolaýshylar poıyzy júrer aldynda qandaı da bir sálemdemeni jetkizip berý jaýapkershiligin ózińizge almaǵanyńyz durys, sebebi onda qorshaǵan ortaǵa jáne adam ómirine qaýipti zattar bolýy múmkin. Nemese kerisinshe, sálemdemeni jetkizip berýdi moınyna alǵan jolaýshy ózi týraly jalǵan málimet berip ketip qalýy da ǵajap emes. Poıyz mejeli stansaǵa jetkende sálemdemeni alǵan adam joq bolyp ketýi nemese jańa ǵana bir azamat kelip sálemdemeni alyp ketkenin, naqty kim ekenin eske saqtaı almaǵanyn aıtýy múmkin.
Temir jol vokzaldarynyń nysandarynda oryn alatyn «alaıaqtyq» qylmyspen kóbinese 25-35 jas aralyǵyndaǵy er azamattar aınalysady.
Bıletti jeke adamdardan satyp ne aýystyryp almaı tek temirjol kassalarynan satyp alý krek. Óıtkeni onda jeke kýáliktiń nómeri jazylatyndyqtan, poıyzǵa otyrǵyzý kezinde sizdiń jeke kýáligińizdiń nómeri sáıkes kelmeı, jol júrer aldynda qıyndyqtar týyndaýy múmkin. Sol sııaqty belgisiz adam jasandy bılet satý faktiside kezdesedi. Eger bógde bireý jolaýshylarǵa ózin ishki ister organynyń ókili retinde tanystyryp, moraldyq jáne materıaldyq zalal keltirse, ol týraly aqparatty dereý poıyzdaǵy kólik polıtseıine nemese belgilengen stansadaǵy qyzmetkerlerge jetkizgen durys. Sondaı-aq ol týraly Kóliktegi ІІD-niń resmı veb-saıty arqyly habarlaýǵa bolady.
Eger siz kúdikti bireýdi baıqasańyz tez arada baqylaýda otyrǵan polıtsııaǵa nemese 102 telefonyna habarlasyńyz.
