Kólik polıtseıleri «Quqyq tártibi» sharasy barysynda buryn jasalǵan 11 qylmysty ashty
ASTANA. QazAqparat - 2014 jylǵy 17-19 naýryz aralyǵynda qoǵamdyq tártipti saqtaýdy qamtamasyz etý, temir jol jáne áýe kóligi nysandaryndaǵy qylmystar men quqyqbuzýshylyqtardyń aldyn alý jáne onyń jolyn kesý maqsatynda Kóliktegi ІІD-niń qyzmet kórsetý aýmaǵynda «Quqyq tártibi» jedel aldyn alý sharasy ótkizildi.
Bul týraly Kóliktegi ІІD baspasóz qyzmetinen habarlady. Іs-sharany ótkizýge jeke quramnan 1026 qyzmetker jáne 25 avtokólik tartyldy.
«Jedel-aldyn alý sharasyn júrgizýde temir jol jáne áýe kóligi nysandarynda patrýldeý jasaqtary kúsheıtildi. Qoǵamdyq tártipti saqtaýdy qamtamasyz etýge basqa da qyzmet jumyldyrylyp, polıtsııanyń keshendi kúshteri tartyldy. Sondaı-aq, atalmysh nysandarda jolaýshylardyń kelýi men ketýi jappaı tekserildi», - dedi Kóliktegi ishki ister departamenti Ákimshilik polıtsııa basqarmasynyń bastyǵy, polıtsııa polkovnıgi Nurlan Sadyqov.
Onyń aıtýynsha, is-shara barysynda 885 azamat quqyqbuzýshylyqtary úshin jaýapkershilikke tartylǵan. Onyń ishinde 97-si usaq buzaqylyq jasaǵandar.
3 kúnniń ishinde esirtki zattaryn zańsyz paıdalanǵan 22 adam jaýapqa tartyldy. Sondaı-aq, is-sharany ótkizý kezeńinde izdeýde júrgen 2 qylmysker ustaldy.
Jedel aldyn alý sharasy barysynda 219 qylmys tirkeldi. Buǵan qosa, 11 buryn jasalǵan qylmys ashyldy.
19 naýryz kúni Pavlodar stansasyndaǵy ІІJB qyzmetkerleri 25-28 jastaǵy eki azamatty ustady. Olar aǵymdaǵy jyldyń 16 naýryzynda «Aqsý-2-Qurkól» temir jol ótkelinde jartylaı vagonnan jasyryn túrde 1600 keli FH-850 ferrohromyn urlaǵan. Qazir tergeý amaldary júrgizilýde.
Sonymen qatar, qańǵybastyq jáne qaıyrshylyqpen aınalysatyn 50 kámeletke tolmaǵan bala anyqtalyp, onyń 9-y ishki ister organdarymen Kámeletke tolmaǵandardy beıimdeý ortalyqtaryna ornalastyryldy.
Qazaqstan Respýblıkasynda bolý erejesin buzǵany úshin 50 shetel azamaty jaýapkershilikke tartyldy.
