Kólik polıtseıleri kóshi-qon zańnamasyn buzǵan 200-den asa sheteldikti ákimshilik jaýapkershilikke tartty
ASTANA. QazAqparat - QR ІІM Kóliktegi ishki ister departamentiniń Kóshi-qon polıtsııasy basqarmasy men onyń jelilik bólinisterinde aǵymdaǵy jyldyń qańtar- aqpan aılarynda QR kóshi-qon zańnamasyn buzýǵa jol bermeý jáne anyqtaý maqsatynda Departamenttiń qyzmet kórsetý aýmaǵynda kóshi-qon úderisterin baqylaýdy qamtamasyz etýge baǵyttalǵan birqatar sharalar júzege asyryldy.
Bul týraly Kóliktegi ІІD baspasóz qyzmetinen habarlady.
Departamenttiń kóshi-qon polıtsııa basqarmasynyń bastyǵy Ǵanı Shymyrbaevtyń aıtýynsha, jyl basynan beri elimizdiń kólik polıtseıleri kóshi-qon zańnamasyn buzý boıynsha 5 qylmystyq is qozǵady, onyń -3-eýi QR memlekettik shekarasyn qasaqana zańsyz kesip ótýge (QR QK 392-baby), 2-ýi QR aýmaǵynan tysqary shyǵaryp jiberý týraly sottyń sheshimin oryndamaýǵa (QR QK 393-baby) qatysty.
Máselen, aǵymdaǵy jyldyń 18 aqpanynda ótken «Qaýipsiz vokzal» jedel aldyn alý sharasy barysynda Astana qalasynyń áýejaıynda Astana áýejaıyndaǵy Jelilik polıtsııa bólimi kóshi-qon polıtsııasy tobynyń qyzmetkerleri 44 jastaǵy QHR azamatyn ustady. Atalǵan azamat ákimshilik jaýapkershilikke tartylyp, Almaty qalasynyń Mamandandyrylǵan ákimshilik sotynyń qaýlysyna sáıkes QR aýmaǵynan tysqary shyǵaryp jiberý týraly sheshim qabyldanǵan bolatyn. Alaıda, ustalǵan azamat shyǵaryp jiberý týraly sot sheshimin oryndamaǵan.
Qazirgi ýaqytta QR QK-niń 393-babyna sáıkes (QR aýmaǵynan tysqary shyǵaryp jiberý týraly sheshimdi oryndamaý) sotqa deıingi tergeý amaldary júrgizilýde.
Sondaı-aq, Qazaqstan Respýblıkasynda sheteldikterdiń bolý qaǵıdalaryn buzǵan 268 sheteldik ákimshilik jaýapkershilikke tartyldy, onyń 180-i TMD azamattary, 48-i alys shetel azamattary.
Sot qaýlysymen 36 quqyq buzýshy QR aýmaǵynan tysqary shyǵaryldy (TMD-30, ASh-6)
«Departamenttiń qyzmet kórsetý aýmaǵynda quqyqtyq tártipti qamtamasyz etip, QR kóshi-qon zańnamasyn buzýǵa jol bermeý jáne zańsyz kóshi-qon arnalary men olardy uıymdastyrýshylardyń jolyn kesý maqsatynda taıaý aralyqta «Mıgrant» jedel-aldyn alý sharasyn ótkizý jospardanýda»,-dedi Ǵ. Shymyrbaev.
