Kólik polıtseıleri Kongo azamatshasyna otanyna oralýǵa kómektesti
NUR-SULTAN. QazAqparat – Kólik polıtseıleri Kongo azamatshasyna otanyna oralýǵa kómek kórsetti, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
2016 jylǵy 13 tamyzda Bombale Lolıngo Raıssa esimdi Kongo Demokratııalyq Respýblıkasynyń 24 jastaǵy azamatshasy JShS-niń biriniń shaqyrtýymen Qazaqstan Respýblıkasyna eńbek etý úshin vızamen kelgen.
Ol COVID-19 pandemııa saldarynan jumysynan aıyrylǵan. Buǵan qosa pasporty pen vızasynyń qoldanylý merzimi aıaqtalyp ári qarajatynyń bolmaýyna baılanysty eline orala almaǵan.
Jaǵdaıy qıyndaǵan soń Shymkent stantsııasyndaǵy Jelilik polıtsııa bóliminiń Kóshi-qon qyzmetiniń polıtseılerine kómek kórsetý týraly ótinish bildiredi.
Elimizdiń kólik polıtseıleri Almaty qalasynda ornalasqan kóshi-qon jónindegi Halyqaralyq uıymnyń (HKU) kómegimen onyń qujattaryn resimdeýge, sóıtip onyń otanyna oralýy úshin áýe bıletin satyp alýǵa kómek kórsetti.
Óz kezeginde Raıssa barlyq qol ushyn sozǵan jandarǵa, atap aıtqanda, tártip saqshylaryna kórsetken qoldaýlary men kómegi úshin zor alǵysyn bildirdi.
