Kólik polıtseıleri Esil stansysynda jasalǵan kisi tonaý qylmysynyń betin ashty
ASTANA. Qyrkúıektiń 13-i. QazAqparat /Qanat Qulshymanov/ - Esil stansysynda kólik polıtseıleri kisi tonaý qylmysynyń betin ashty, dep habarlady Kóliktegi Ortalyq Іshki ister departamentiniń baspasóz qyzmetinen.
Esil stansysynyń jelilik bólimine shaǵymdanǵan Aqmola oblysynyń 27 jastaǵy turǵyn áıeli, stansyda onyń qolyndaǵy sómkesin julyp áketken er azamatqa qatysty sharalar qabyldaýdy ótinedi. Urlanǵan sómkede 15 myń teńgedeı aqsha, «Samsung» uıaly telefony jáne qujattar bolǵan.
Jedel-izdestirý sharalarynyń barysynda polıtseıler Esil stansysynyń temirjol vokzalynda 23 jastaǵy qala turǵynyn ustady jáne tintý kezinen odan urlanǵan zattar tabylady. Zattaı aıǵaqtar tárkilendi, fakti boıynsha qazir tekserý jumystary júrgizilýde.
