Kólik polıtseıleri Elbasy Joldaýyn talqylady
ASTANA. QazAqparat - Kóliktegi ІІD-de QR Prezıdenti Nursultan Ábishuly Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýy talqylandy.
Departamenttiń jeke quramynyń aldynda QR Parlamenti Májilisiniń depýtaty Turǵyn Syzdyqov pen Qazaqstannyń kommýnıstik halyqtyq partııasynyń ókili Marat Áýbákirov baıandama jasady.
Basqosýdy ashqan Kóliktegi ІІD bastyǵynyń orynbasary polıtsııa polkovnıgi Renat Ýnarbekov búgingi tańda Memleket basshysynyń halyqqa Joldaýy men QR Prezıdenti -Ult Kóshbasshysynyń bılik tarmaqtarynyń arasyndaǵy ókilettikterdi qaıta bólý týraly Úndeýiniń mańyzdylyǵyna keńinen toqtaldy.
Óz kezeginde sóz alǵan T. Syzdyqov el damýynyń jańa kezeńin aıqyndap bergen tarıhı qujattyń negizgi aspektilerin jınalǵandarǵa túsindirdi. «Joldaýdaǵy bes negizgi basymdyqtardyń bári bıznes salasyn damytýǵa jáne onyń ózekti máselelerin sheshýge baǵyttalǵan. Búgingi kúni árbir qazaqstandyq elimizdiń damyǵan 30 eldiń qataryna enýi úshin bar kúsh-jigerin jumsaýy qajet. Bul úshin bizde barlyq múmkindikter bar»,- dedi halyq qalaýlysy.
«Elimizdegi turaqtylyq - bul memleket damýyna jaǵdaı jasaıtyn, sóıtip barlyq maqsattarymyzdy júzege asyrýǵa múmkindik beretin basty baılyǵymyz. Biz táýelsiz jyldary ishinde azamattarymyzdyń, qoǵamnyń jáne memlekettiń qaýipsizdigin qamtamasyz etetin tıimdi quqyq qorǵaý júıesin qalyptastyra aldyq. Olaı bolsa, qoǵamdyq qaýipsizdikti nyǵaıtý, azamattarymyzdyń quqyqtary men múddelerin qorǵaý jolyndaǵy qyzmetterińizge mol tabystar tileımin dedi, - dedi T. Syzdyqov.
Budan soń sóz alǵan QKHP ókili M. Áýbákirov Joldaýdyń bilim salasyn nyǵaıtýǵa jáne turǵyn úı máselelerin sheshýge baǵyttalǵan basym baǵyttaryna aıryqsha toqtalyp ótti.
Talqylaý barysynda Elbasy Joldaýyndaǵy basym baǵyttardyń biri ári biregeıi sanalatyn sybaılas jemqorlyqqa qarsy kúres máselesi de qyzý talqylandy.
Sondaı-aq, mańyzdy jıynda departament jeke quramy arasyndaǵy qoǵamdyq tártipti kúsheıtý, tártip pen zańdylyqty saqtaý, sybaılas jemqorlyqqa qarsy kúresti nyǵaıtý máseleleri de nazardan tys qalǵan joq.
Baıandamashylar qatysýshylardyń qoıǵan suraqtaryna jaýap berdi, dep habarlaıdy. Kóliktegi ІІD baspasóz qyzmeti.
