Kólik polıtseıleri birneshe urlyq jasaǵan Reseı azamatyn qolǵa túsirdi
ASTANA. QazAqparat - QR ІІM Kóliktegi ІІD Krımınaldyq polıtsııa basqarmasynyń qyzmetkerleri temirjol vokzaldarynda, áýejaılar men jolaýshylar poıyzdarynda jasalatyn azamattardyń múlkin urlaýǵa qatysty faktileriniń jolyn kesý maqsatynda birqatar keshendi is-sharalar júrgizilýde.
Bul týraly Kóliktegi ІІD baspasóz qyzmetinen habarlady.
Departamenttiń qyzmet kórsetý aýmaǵynda, ásirese krımınogendik óńirlerinde udaıy jedel-izdestirý sharalary ótkizilip, taldaý jasalyp turady.
Máselen, Aqtóbe stansasyndaǵy Іshki ister jelilik basqarmasyna 63 jastaǵy azamatsha shaǵymdanyp keldi. Onyń aıtýynsha «Aqtóbe-Atyraý» baǵytyndaǵy jolaýshylar poıyzynyń vagondarynyń birinde ishinde 4 myń teńgesi men 50 AQSh dollary salynǵan bank kartochkasy, jeke qujattary bar ámııanyn joǵaltyp alǵan.
Jedel-izdestirý sharalary barysynda atalǵan qylmysty jasady degen kúdikpen Aqtóbe qalasynda turyp jatqan Reseı Federatsııasynyń azamaty ustaldy. Kúdikti óz qylmysyn tolyq moıyndady. Aıǵaq zattar tabylyp, alyndy.
Tekserý barysynda ustalǵan azamattyń basqa da qylmystarǵa qatysy bar ekendigi anyqtaldy. Atap aıtsaq, atalǵan azamattyń aǵymdaǵy jyldyń 28 aqpanynda «Almaty-Oral» baǵytyndaǵy jolaýshylar poıyzynyń Aqtóbe stansasynda toqtap turǵan kezinde 24 myń teńge men qujattardy, 27 naýryzda «Oral-Almaty» baǵytyndaǵy jolaýshylar poıyzynyń osy stansada aıaldap turǵan kezinde uıaly telefon urlaǵandyǵy belgili boldy.
Qazirgi ýaqytta osy faktiler boıynsha tergeý amaldary júrgizilýde.
