Kólik polıtseıleri bir kúnde 19 sheteldikti ákimshilik jaýapkershilikke tartty
ASTANA. QazAqparat - Jyl basynan beri kólik polıtsııasynyń kóshi-qon bólimsheleri Qazaqstan Respýblıkasynda bolý erejesin buzǵany úshin 2 338 shetel azamatyn ákimshilik jaýapkershilikke tartty, onyń ishinde kóshi-qon zańnamasyn óreskel buzǵan 161 sheteldik el aýmaǵynan shyǵaryldy, dep habarlaıdy QR ІІM Kóliktegi ІІD-niń baspasóz qyzmeti.
Máselen, 26 shildede Astana qalasynyń áýejaıyndaǵy jelilik polıtsııa bóliminiń qyzmetkerlerimen áýejaıdyń kútý zalynda tólqujattar men kóshi-qon kartochkalardy tekserý barysynda Qazaqstan Respýblıkasynda bolý merzimi ótken 19 Ýkraına azamatyn anyqtady.
Ustalǵan azamattardyń barlyǵyna qatysty QR ÁQBtK-niń 517-babynyń 4-tarmaǵy (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha ákimshilik hattama toltyryldy.
«Endi ákimshilik is Astana qalasynyń mamandandyrylǵan ákimshilik sotyna joldanady», delingen habarlamada.
