Kólik polıtseıleri Almaty oblysynda jasyryn orynnan qarý-jaraq tapty
QR ІІM Kóliktegi polıtsııa departamenti uıymdasqan qylmysqa qarsy kúres basqarmasynyń qyzmetkerleri Qonaev qalasynyń mańynda jedel izdestirý is-sharalaryn júrgizý barysynda qurylys qaldyqtarynyń úıindisi aýmaǵynda terige oralǵan tegis uńǵyly 4 ańshylyq myltyq pen 12-kalıbrli 22 oq-dári taýyp tárkiledi.
Kóliktegi polıtsııa departamentiniń bastyǵy, polıtsııa general-maıory Ońal Bekeevtiń málim etkenindeı, atalǵan derek boıynsha QR QK 287-baby 3-bóligine (qarý men oq-dárilerdi zańsyz saqtaý) sotqa deıingi tergeý amaldary júrgizilýde.
«Qazirgi kezde qarý men oq-dárilerdi saqtaýǵa qatysy bar adamdar anyqtalýda. Alynǵan zattaı dáleldemeler sot-ballıstıkalyq saraptamaǵa jiberildi», - dedi QazAqparat tilshisine O.Bekeev.
Eske sala keteıik, budan buryn elordada jolaýshyǵa tıisip, balaǵattaǵan júk tıeýshiniń jaýapqa tartylǵanyn jazǵan bolatynbyz.