Kólik polıtseıleri Almaty áýejaıynda júrgen alaıaqty ustady
ASTANA. QazAqparat - 11 mamyry kúni Almaty qalasy áýejaıynyń Jelilik polıtsııa bólimine 28 jastaǵy er azamat shaǵymdandy. Onyń aıtýynsha, belgisiz tulǵa bireýdiń senime kirip, alaıaqtyq jolmen onyń 500 AQSh dollar qarajatyn ıemdenip ketken, dep habarlady Kóliktegi ІІD baspasóz qyzmetinen.
Oqıǵa 8 mamyr kúni saǵat 21.00-de Almaty qalasy áýejaıynyń mańynda bolǵan. Keltirilgen materıaldyq shyǵyn kólemi - 166 500 teńge.
Kólik polıtseıleri jedel-izdestirý sharalarynyń barysynda izin sýytpaı 33 jastaǵy er azamatty ustady. Kúdikti ýaqytsha jumyssyz júrgen Almaty qalasynyń turǵyny bolyp shyqty.
Atalǵan fakt QR QK 190-babynyń 1-tarmaǵy boıynsha sotqa deıingi tergeýdiń biryńǵaı tizilimine tirkeldi.
Qazir ýaqytta tergeý amaldary júrgizilýde.
