Kólik polıtseıleri aǵymdaǵy jyldyń basynan beri 56 keliden asa esirtki zattaryn tárkiledi
ASTANA. QazAqparat - Kóliktegi ІІD-niń qyzmet kórsetý aýmaǵynda aǵymdaǵy jylǵy 23-27 mamyr aralyǵynda «Dopıng» jedel-profılaktıkalyq is-sharasynyń ekinshi kezeńi ótkizilýde.
Úsh kún ishinde 9 qylmystyq is pen qylmystyq teris qylyq anyqtaldy.
Máselen, Shý stansasyndaǵy Jelilik polıtsııa bóliminiń Esirtki bıznesine qarsy kúres bólimi qyzmetkerleri «Dopıng» jedel-profılaktıkalyq is-sharasynyń barysynda qyzmettik-izdestirý ıtiniń qómegimen «Shý-Qumózek» ótkelinde Jambyl oblysy Shý qalasynyń 25 jastaǵy turǵynyn ustady.
Tekserý barysynda odan ózindik ıisi bar, jasyl tústi ósimdik tektes zat tabylyp, tárkilenip alyndy.
Saraptama qorytyndysy boıynsha ol salmaǵy 6 keli 700 gramdy quraıtyn «marıhýana» ekendigi anyqtaldy.
Atalǵan fakt sotqa deıingi tergeýdiń biryńǵaı reestrine QR QK-niń 296-baby boıynsha (Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) tirkeldi.
Qazirgi ýaqytta kúdikti Jambyl st. Іshki ister jelilik basqarmasynyń Shý stansasyndaǵy JPB-niń ýaqytsha ustaý ızolıatoryna otyrǵyzyldy.
Tergeý amaldary júrgizilýde.
Aǵymdaǵy jyldyń basynan beri kólik polıtseıleri 56 keliden asa esirtki zattaryn tárkiledi, sonyń ishinde 2,5 kelisi - geroın. Sonymen qatar, esirtki zattarynyń kontrabandasyna qatysty 3 fakti, zańsyz tasymaldaýǵa qatysty 7 fakti anyqtaldy.
Barlyǵy esirtki qylmysyna qatysty 188 fakti tirkelgen, dep habarlaıdy Kóliktegi ІІD baspasóz qyzmeti.
