Kólik polıtseıleri 3 kúnde 207 sheteldik azamatty ákimshilik jaýapkershilikke tartty
ASTANA. QazAqparat - Kóliktegi ІІD-niń qyzmet kórsetý aýmaǵynda 2014 jylǵy 22-26 qyrkúıek aralyǵynda «Zańsyz kelýshi-2014» jedel-aldyn alý sharasynyń ekinshi kezeńi ótkizilýde.
Bul týraly Kóliktegi ІІD baspasóz qyzmeti habarlady. Atalǵan sharaǵa kún saıyn 400-den asa qyzmetker jumyldyrylýda. Jedel qyzmet, ákimshilik polıtsııasy jáne kóshi-qon polıtsııasy qyzmetkerleriniń qatarynan 51 utqyr top quryldy.
Departament bastyǵynyń orynbasary polıtsııa polkovnıgi Talǵat Ótetileýovtyń aıtýynsha, úsh kún ishinde Qazaqstan Respýblıkasyna kelý erejesin buzǵandary úshin 207 sheteldik azamat QR ÁQBK 394-baby boıynsha ákimshilik jaýapkershilikke tartyldy, onyń ishinde 166-i -TMD, 41-i alys shetel azamattary. Sondaı-aq, sottyń sheshimimen 3 sheteldik Qazaqstan Respýblıkasy aýmaǵynan tysqary shyǵaryldy.
QR ÁQBK 395-baby boıynsha, ıaǵnı, shaqyrylǵan shetel azamattarynyń belgilengen erejesin buzǵany úshin 5 quqyq buzýshylyq anyqtaldy.
Jeke basyn kýálandyratyn qujattary joq 9 sheteldik qabyldaý-taratý oryndaryna qamaýǵa alyndy. Іzdeýde júrgen 2 qylmysker ustaldy.
Kóshi-qon zańnamasyn buzǵandary úshin QR QK 330-1-baby boıynsha 1 qylmystyq is qozǵaldy.
Shara sheńberinde 1 mln. 555 myń teńge kóleminde aıyppul salyndy.
«Sheteldikterdiń elimizge kelýin baqylaýdy tıisti deńgeıde jáne olardyń kóshi-qon zańnamasynyń tártibin saqtaýdy qamtamasyz etý maqsatynda qosymsha sharalar qabyldanýda», - dedi polıtsııa polkovnıgi.
