Kólik polıtseıleri 200 shetel azamatyn jaýapkershilikke tartty
ASTANA. QazAqparat - Kólik polıtseıleri tórt kún ishinde 200-den astam shetel azamatyn ákimshilik jaýapkershilikke tartty, dep habarlaıdy QazAqparat tilshisi QR ІІM Kóliktegi ІІD baspasóz qyzmetine silteme jasap.
Kólik polıtseıleri tórt kún ishinde «Zańsyz kelýshi» atty jedel profılaktıkalyq is-sharasyn júrgizý barysynda 269 tulǵany ákimshilik jaýapkershilikke tartqan. Onyń ishinde 229-y shetel azamaty. Atap aıtqanda, olar Qazaqstan Respýblıkasynda mekendeý erejesin buzǵany úshin ákimshilik jaýapkershilikke tartylyp otyr.
«Kóliktegi ІІD Kóshi-qon qyzmeti basqarmasy bastyǵy Ǵanı Shymyrbaevtyń aıtýy boıynsha kóshi-qon zańyn buzǵany úshin QR QK 393-baby boıynsha elden shyǵarý jónindegi sot sheshimin oryndamaýǵa qatysty 8 derek anyqtaldy. Sot qaýlylary boıynsha el aýmaǵynan 21 sheteldik shyǵaryldy», - delingen habarlamada.
Máselen, kólik polıtseıleri Shý stansasyndaǵy temirjol vokzalynda qujattardy tekserý barysynda er adamdy ustaǵan. Tekserý barysynda 36 jastaǵy Ózbekstan Respýblıkasynyń azamaty osyǵan deıin elden shyǵarý jónindegi sot sheshimin oryndamaǵany anyqtaldy. Jambyl oblysy Shý aýdandyq sotynyń sheshimi boıynsha oǵan QR aýmaǵynan shyǵarý men 20 AEK (48 100 teńge) kólemindegi ákimshilik aıyppul salyndy.
