Kólik polıtseıi Qyrǵyzstan azamatyna elordada júrgen jıenin taýyp berdi
NUR-SULTAN. QazAqparat - Kólik polıtseıi Qyrǵyzstan azamatyna elordada júrgen jıenin taýyp berdi, dep habarlaıdy QazAqparat tilshisi.
QR ІІM Kóliktegi polıtsııa departamenti baspasóz qyzmetinen túsken málimetke qaraǵanda, 27 naýryz kúni Qazaqstannyń kólik polıtsııasyna Qyrǵyzstannan Vera Gortok qońyraý shalǵan.
Áıel adam Nur-Sultan qalasyna ketken jıeni eki kún boıy baılanysqa shyqpaǵandyqtan, óziniń qobaljyp otyrǵanyn jetkizdi. Budan soń polıtseılerden jıenin izdeýdi ótindi.
Kezekshi ınspektor Renat Súleımenov dereý izdestirý sharalaryn qabyldady.
Vokzal mańynan jas jigitti tappaǵan tártip saqshysy qaladaǵy barlyq polıtsııa bólimsheleri men aýrýhanalarǵa qońyraý shaldy.
Shamamen 2,5 saǵattan keıin joǵalǵan jigittiń ornalasqan jeri anyqtaldy. Ol elordadaǵy medıtsına mekemeleriniń birinde eken.
«Renat Qyrǵyzstanǵa habarlasyp, maǵan jıenimniń qaıda ekendigin aıtyp, kóńilimdi birledi. Men onyń adamgershiligi men kásibıligi úshin alǵys aıtamyn», dedi Vera Gortok.
Ol sondaı-aq polıtsııa general-maıory Ońal Bekeev basshylyq etetin Kóliktegi polıtsııa departamenti qyzmetkerlerine rızashylyǵyn bildirdi.
Eske sala keteıik, budan buryn Almatyda polıtsııa ǵımaratyna shabýyl jasaǵandardyń biri ustalǵanyn jazǵan bolatynbyz.
