Kólik mınıstrligi uıaly baılanys qyzmetteriniń sapasyna tehnıkalyq baqylaý júrgizetin arnaıy qondyrǵy ornatpaq
Kezdesý barysynda belgili bolǵandaı, qazirgi ýaqytta QR KKM Baılanys jáne aqparattandyrý komıteti túrli standarttaǵy uıaly baılanys qyzmetteriniń sapasyna tehnıkalyq baqylaý júrgizýge jáne sıgnal parametrlerin ólsheýge arnalǵan arnaıy qondyrǵy ornatpaqshy.
Bul qondyrǵynyń kómegimen sıgnaldyń jelide úzdiksiz berilýine jáne qoljetimdiligine, berilý sapasyna taldaý júrgizý múmkin bolady. Atalǵan qondyrǵy aldaǵy jyly Astana jáne Almaty qalalarynda ornatylady. Qarjy bólingen jaǵdaıda 2013 jyly kezeń-kezeńmen barlyq oblystarǵa ornatý kózdelgen.
Jınalysta sondaı-aq, usynylyp otyrǵan qyzmet sapasyna áser etýshi máseleler de talqylandy. Onda uıaly baılanys operatorlary kórsetiletin qyzmet sapasyn arttyrýǵa múmkindik bermeı otyrǵan birneshe faktorlardy atady. Solardyń qatarynda - QR ІІM QAJK aýmaǵyna ornatylǵan uıaly baılanys sıgnaldaryn tómendetetin qondyrǵylardyń ornatylýy, sonymen birge memlekettik organdar men mekemelerdiń ǵımarattary men aýmaǵynda radıoelektrondyq qurylǵylardy ornatýǵa shekteýlerdiń qoıylýy bar.
Ótkizilgen jınalys qorytyndysynda baılanys qyzmetiniń sapasyn arttyrýǵa jáne baılanys operatorlary kótergen máselelerdi sheshýge baǵyttalǵan tıisti is-sharalar josparyn ázirleý týraly sheshim qabyldandy.
