Kólik mınıstri Berik Kamalıev qazaqstandyq ıAk-42 ushaqtarynda qaýipsizdikti qamtamasyz etý máselesi jóninde keńes ótkizdi
qyrkúıek. QazAqparat. 2011 jylǵy 8 qyrkúıekte QR Kólik jáne kommýnıkatsııa mınıstr Berik Kamalıev vedomstvonyń qurylymdyq bólimsheler basshylarymen Qazaqstanda paıdalanýdaǵy ıAk-42 áýe kemelerin paıdalaýdaǵy qaýipsizdikti qamtamasyz etý máseleleri jóninde keńes ótkizdi,
dep habarlaıdy mınıstrliktiń baspasóz qyzmeti. 7 qyrkúıekte Reseı Federatsııasynyń ıAroslavl qalasyndaǵy oryn alǵan ondaǵan adamdy ajal qushtyrǵan avıatsııalyq apat ushaqtardyń bul túrine erekshe kóńil bólýge sebep boldy.
Qazirgi tańda Qazaqstanda «SCAT», «Irtysh-Air» jáne «Avıa-Jaınar» avıakompanııalar 4 ıAk-42 ushaǵyn jolaýshylar tasymalynda paıdalanýda.
Sońǵy oqıǵany eskere otyryp, kólik jáne kommýnıkatsııa mınıstrligi atalǵan kompanııalarǵa ushaqtarǵa shuǵyl túrde ushý jaramdylyq normalaryna sáıkes bolýyna tehnıkalyq tekseris júrgizip, tehnıkalyq jaǵdaıy jáne ushýǵa jaramdylyǵy jóninde aktiler jasaý jóninde nusqaý joldandy.
