Kólik mınıstri Berik Kamalıev «Batys Eýropa - Batys Qytaı» jobasyn júzege asyrý máseleleri boıynsha selektorlyq keńes ótkizdi

dep habarlady vedomstvonyń baspasóz qyzmetinen.

Keńeske Aqtóbe, Qyzylorda, Almaty, Ońtústik Qazaqstan jáne Jambyl oblystyq ákimshilikteri men basqarmalarynyń jetekshileri, avtomobıl joldary komıtetiniń oblystyq departamentteri men merdigerlik uıymdardyń jetekshileri qatysty.

Selektorlyq keńes barysynda jer kenishterin resimdeý, jer telimderin satyp alý máseleleri men jobanyń júzege asyrylý barysy talqylandy.

2011 jyly 161 mlrd. teńgeni ıgerip, 730 shaqyrym jol salý (sonyń ishinde 275 shaqyrym - І tehnıkalyq sanat, 455 shaqyrym - ІІ tehnıkalyq sanat) josparlanyp otyr.

Qazirgi tańda 1615 shaqyrym boıynda merdigerlik uıymdar qurylys jumystaryn júrgizýde. 5 ýchaske boıynsha baıqaý protsedýralary ótkizilýde.

21 maýsymdaǵy jaǵdaı boıynsha jobaǵa 5 myń dana jol-qurylys tehnıkasy, 31056 adam, olardyń ishinde 30572 qazaqstandyq pen 484 sheteldik jumyldyrylǵan. 2011 jylǵa arnalǵan negizgi jol-qurylys materıaldarynyń 51 paıyzdan astamy daıyndalǵan.

Búginde uzaqtyǵy 215 shaqyrym bolatyn Qarabutaq - Yrǵyz ýchaskesinde qurylys jumystary aıaqtaldy.