Kólik LRT baǵanyna soǵyldy: Júrgizýshi Astana ákimdiginde jumys istemegen

ASTANA. QazAqparat – 29 maýsym kúni Astanada kólik júrgizýshisi LRT-nyń beton baǵanyna soǵylyp, mert boldy. Áleýmettik jelide onyń ákimdik qyzmetkeri bolǵany týraly aqparat taraı bastady, dep habarlaıdy QazAqparat.

Qala bıligi bul málimetti teriske shyǵardy.

«Ol ákimdik qyzmetkeri emes jáne eshqashan jumys istemegen (ákimdikte – red.)», - dedi vedomstvonyń baspasóz qyzmetinen.

Eske salaıyq, búgin tańǵy saǵat 06.04 shamasynda Sh.Qaldaıaqov kóshesindegi «Arys» kópirinde jantúrshigerlik jol apaty boldy. Kólik Astana LRT konstrýktsııasynyń betondy baǵanyna soǵyldy. 43 jastaǵy júrgizýshi alǵan jaraqattarynan oqıǵa ornynda kóz jumdy.