Kólik qyzmetkerleriniń ereýilderinen júzdegen myń eýropalyq zardap shegýde
ASTANA. QazAqparat – Temirjol qyzmetkerleriniń ereýiliniń saldarynan rojdestvolyq demalystaryna 200 myńnan astam frantsýz bara almaı otyr, dep habarlaıdy QazAqparat Euronews-ke silteme jasap.
Demalys kúnderi bes poıyzdyń ekeýi toqtatylady. Osyndaı jaǵdaıdy boldyrmas úshin jańa jyldyq demalysta frantsýz jol operatory kásipodaqtarǵa qyzmetkerler úshin jaqsartylǵan jaǵdaı jasaýdy, sonyń ishinde jumys oryndary men syıaqylardy kóbeıtýdi usyndy. La-Manshtyń arǵy betindegi, Ulybrıtanııadaǵy jaǵdaı budan da kúrdeli. Onda jumadan bastap 31 jeltoqsanǵa deıin barlyq kólik quraly qyzmetkerleri, sonyń ishinde jedel járdem júrgizýshileri ereýilge shyǵýda.
Sondaı-aq poshta qyzmetkerleri, shekara jáne jol qyzmetteriniń jumysshylary, medıtsınalyq qyzmetkerler, tipti kólik júrgizý mektepterindegi emtıhan alýshylar da jumysqa shyqpaı jatyr.
Ereýilder premer-mınıstr Rıshı Sýnaktyń memlekettik sektor qyzmetkerleriniń jalaqyny edáýir kóterý týraly talaptaryn qabyldamaı otyrǵan konservatıvti úkimetine qysym jasaýda.
Foto: ru.euronews.com
/
