Kólik qyzmetkerleri kúnine oraı merekelik kontsert ótti - Astana
ASTANA. 3 tamyz. QazAqparat - Kólik qyzmetkerleri kúnine oraı Jeleznodorojnyı kentinde Qyrqynshy stansada merekelik baǵdarlama uıymdastyryldy.
Merekelik is-sharany Almaty aýdany ákiminiń apparaty daıyndady. Astana qalasy Almaty aýdanynyń ákimi Bekbol Saǵyn Kólik jáne baılanys salasy mamandaryn kásibı merekelerimen quttyqtady.
Búgingi tańda Qazaqstannyń kólik salasynyń mindeti kólik qyzmetterine degen suranysty qanaǵattandyrý men baqylaý ǵana emes, sondaı-aq jańa óndiris pen saýdany damytýdy yntalandyrý, ómir súrý sapasyn arttyrýǵa yqpal etý, ekonomıkanyń basqa salalarynan kósh ilgeri bolý», - dedi aýdan ákimi.
Budan basqa, bul kúni Qyrqynshy stansanyń qyzmetkerleri belsendi jumysy men aýdannyń qoǵamdyq ómirine qatysqany úshin alǵys hattarmen marapattaldy.
№50,59 balalar úıleriniń tárbıelenýshileri, № 29 mektep oqýshylary men stansa qyzmetkerleri qyzyqty kontsert uıymdastyryp, kelýshilerdi tánti etti, dep habarlaıdy astana.kz.
