Kólik quraldaryn resimdeý jónindegi jedel shtab quryldy
ASTANA. 23 maýsym. QazAqparat - Keden odaǵynyń biryńǵaı kedendik aýmaǵynyń jumys isteý rejıminen ýaqytsha jeke alýlar týraly hattamanyń 1-babyna sáıkes (Astana qalasy, 2010 jylǵy 5 shilde) 2011 jylǵy 1 shildede «Jeke tulǵalardyń jeke paıdalanýǵa arnalǵan jeńil avtomobılderdi ótkizý máseleleri týraly» Qazaqstan Respýblıkasy Úkimetiniń 01.07.2010 jylǵy №682 qaýlysynyń qoldaný merzimi aıaqtalady.
Jeke tulǵalardyń jeńil avtomobılderdi ákelýiniń aı saıynǵy ósý tendentsııasyn eskere otyryp jáne kedendik deklaratsııalaý kezinde kezekterdi jáne negizsiz kidiristerdi boldyrtpaý maqsatynda Qazaqstan Respýblıkasy Qarjy mınıstrligi Kedendik baqylaý komıtetinde jeke tulǵalardyń Qazaqstan Respýblıkasyna jeke paıdalanýǵa ákeletin kólik quraldaryn kedendik deklaratsııalaý jáne kedendik baqylaýdy uıymdastyrý máseleleri boıynsha aýmaqtyq keden organdarynyń is-áreketterin úılestirý úshin Jedel shtab quryldy.
Osydan basqa, aýmaqtyq keden organdarynda da jeke tulǵalardyń jeke paıdalanýǵa arnalǵan kólik quraldaryn kedendik deklaratsııalaý máselelerin jedel qarastyrý boıynsha tıisti sharalardy júrgizý jáne olar boıynsha sheshim qabyldaý, kólik quraldaryn ákelýdiń kúndelikti monıtorıngin jáne kedendik tazalaýdy júrgizý úshin qoǵamdyq uıymdar, «Nur Otan» HDP, buqaralyq aqparat quraldary men bıznes-qaýymdastyqtardyń ókilderin tarta otyryp, aýmaqtyq keden organdary bastyqtarynyń basshylyq etýimen jedel shtabtar quryldy.
