Kólik kartasyn joǵaltqan astanalyqtar aqshasyn qaıtaryp ala alady
NUR-SULTAN. QazAqparat - City Transportation Systems kólik kompanııasy kólik kartasyndaǵy aqshany qaıtarýǵa qatysty aqyl-keńes berdi, dep habarlaıdy QazAqparat.
Jolaýshylardyń aqsha nemese paıdalanylmaǵan tarıfi bar kólik kartasyn joǵaltý jaǵdaılary jıi kezdesedi.
«Osyndaı jaǵdaıǵa ushyrasańyz elordadaǵy Qoshqarbaev dańǵyly, 50/1 mekenjaıynda ornalasqan ortalyq kassaǵa baryp, karta ishindegi aqshany talap etýge quqylysyz. Degenmen kólik kartasyndaǵy teńgerim aqshany transcard.kz saıtynda jeke kabınettde kólik kartasyn negizgi retinde tirkegen paıdalanýshy ǵana ala alady. Eger karta tirkelmegen bolsa, biz sizdiń qarajatyńyzdy qaıtara almaımyz, óıtkeni karta sizge tıesili ekendigi týraly eshqandaı dálel bolmaıdy» dep eskertedi kompanııadan.
Kartany cabinet.transcard.kz saıtynda nemese Transcard mobıldi qosymshasy arqyly tirkeýge bolady.
