Kólik kartasyn qoldanýshylar sany kúrt kóbeıdi - AstanaLRT
ASTANA. QazAqparat - Kompanııa 1 shilde 2018 jyly kólik kartasynyń úlesi - 36%, al 31 shildede - 89% bolǵanyn atap ótti, dep habarlaıdy elorda ákimdiginiń resmı saıty.
«Astana LRT» elektrondy tólem júıesiniń 21 shilde men 5 tamyz aralyǵyndaǵy statýsy týraly habarlady. On kún ishinde kólik kartasyn ustaýshylar eki esege kóbeıgen.
«Dıfferentsıaldy tarıfti engizgeli jumys kúnderi jolaýshylar aǵyny 530 myńnan 580 myńǵa deıin kóbeıgeni baıqalǵan. ıAǵnı transport kartasyn qoldanýshylar sany eki esege ulǵaıdy»,- delingen «Astana LRT» JShS baspasóz qyzmetiniń habarlamasynda.
Kompanııa kólik kartasynyń úlesi 1 shilde 2018 jyly - 36%, al 31 shildede - 89% bolǵanyn aıta ketti. Qoǵamdyq kólikke elektrondy tólem júıesin engizgeli jyrtylyp beriletin bıletter azaıǵan, eger 1 shildede 239 365 dana bolsa, 31 shildede - 53 027 bılet berilgen.
«445 262 adam shildeniń sońǵy kúnderi kartany valıdatsııa jasaǵan, onyń ishinde 260 548 - jalpy tarıftegi valıdatsııa, 64 444 - qaıta mingen, 43 336 - aılyq jol júrý, jeńildik valıdatsııasy - 76 934», - delingen baspasóz qyzmetiniń aqparatynda.
Sonymen kólik kartasynyń úlesi 21 shilde men 5 tamyz aralyǵynda 89% jetken.
Sondaı-aq jumys kúnderi orta eseppen jolaýshylar aǵyny 580 myń jolaýshyny quraǵan, al demalys kúnderi - 418 myń.
«Astana LRT» JShS baspasóz qyzmeti usynǵan málimette jolaýshylardyń 65%-y RTVM-termınalyn, 15% - mamandandyrylǵan kassany, 14% - QIWI-termınaldardy, 6% - kaspi.kz paıdalanǵan.
Aıta ketken jón, kólik kartasy bir ǵana jolaýshyǵa jol aqysyn tirkeýge múmkindik beredi. Al jaramdylyq merzimi - 5 jyl. Kepildik merzimi - 2 jyl. «Transport ámııany» tarıfi boıynsha júktelgen qarjynyń paıdalaný merzimi sheksiz.
-Sonymen qatar balama júıe retinde kólik quralyndaǵy termınal arqyly júrgizýshige bir rettik jolaqy qujatyna (bılet) qolma qol jol aqysyn tóleý múmkindigi qarastyrylǵan.
Kólik kartasyn bir mezette birneshe tarıfke júkteýdiń; qosymsha tólemsiz basqa avtobýsqa minýdiń múmkindigi. Budan basqa, ETJJ kelesidegi jol qujaty túrlerin usynady: qaǵaz túrindegi bir rettik jol júrý qujaty, bir ǵana júrýge eseptelgen jáne bir ǵana saparǵa jaramdy jáne sol bılet berilgen kólik quralynyń ishinde ǵana; toltyrylǵan kólik kartasyn (plastık) ártúrli tarıfke júkteýdiń múmkindigi arqyly uzaq ýaqyt paıdalaný; mektep transport kartasy; jeńildik transport kartasy; transport bıleti (shekteýli jol júrýge arnalǵan tolyq toltyrylmaǵan jumsaq kólik kartasy).
