Kólik kartalarynan eki ret tólem alynýy múmkin emes - «Astana LRT»
ASTANA. QazAqparat - «Astana LRT» ókilderi avtobýstardyń valıdatorlary kólik kartalarynan qate aqsha alyp jatqany týraly shaǵymdaryna pikir bildirdi, dep habarlaıdy QazAqparat tilshisi.
«Biz búkil júıeni tekserip shyqtyq, onda, keıbir jolaýshylar shaǵym jasaǵandaı, eki ret aqsha alynbaǵan. Bul ǵımarat ishinde 4 telefon qosylǵan bir jeli sııaqty. Bir valıdator basqasynan erekshelenýi múmkin emes», - deıdi uıymnyń baspasóz hatshysy Naýat Azanbaeva redaktsııanyń resmı saýalyna.
Buryn jolaýshylar áleýmettik jelide aldyńǵy esikten kirgendegi valıdator 180 teńge, al avtobýstardyń basqa valıdatorlary 90 teńge alatynyn aıtyp aryzdanǵan edi. Budan tys, valıdatsııa júıesindegi basqa da aqaýlarǵa qatysty pikirler aıtylyp jatyr. Máselen, keıbireýler basqa avtobýsqa aýysqanda, aldyńǵy esikten kirgen jerdegi valıdatorda «aýysý» dep emes, «valıdatsııa» degen jazý shyǵatynyn aıtady.
«Apparat «valıdatsııa» dep jazǵanmen, kartanyń ishinen aqsha alynbaıdy», - dep sendirdi N. Azanbaeva.
«Astana LRT» ókili, budan tys, jolaýshylar júıeniń aqaýsyz jumys istep turǵanyna kóz jetkizgende de, bul týraly tis jarmaıtynyn jetkizdi.
«Jolaýshylar ózderiniń qansha jol júrgenin qadaǵalap otyrmaıdy. Biraq ol týraly áleýmettik jelide aıtpaıdy. Ózderine unamaǵan dúnıeni jarııalaıdy da, júıeniń aqaýsyzdyǵy týraly tis jarmaıdy», - deıdi ol.
