Kólik qaqqan kóshe sypyrýshy qaıtys boldy
ALMATY. QazAqparat - Almatyda kólik qaqqan kóshe sypyrýshy qaıtys boldy, dep habarlaıdy QazAqparat tilshisi.
«62 jastaǵy er adam aýrýhanaǵa óte aýyr jaǵdaıda kelip tústi. Barlyq reanımatsııalyq is-sharalar nátıje bergen joq. Aq halattylar onyń janyn arashalap qala almady», - dedi qalalyq Densaýlyq saqtaý basqarmasynyń baspasóz qyzmetinen.
Aıta ketý kerek, qaıǵyly oqıǵa keshe tańerteń bolǵan edi. Saın kóshesimen soltústikke baǵyt alǵan Honda kóligi er adamdy qaǵyp ketti. Soqqydan er adam aýyr jaraqat aldy.
62 jastaǵy er adam «Almaty Tazalyq» kásipornynyń jumysshysy, aýla sypyrýshy bolyp shyqty.
Kólik júrgizýshisiniń aıtýynsha, marqum artqa qaraı sheginip qalǵan.
