Kólik ishinde qysylyp qalǵan qyzylordalyq qutqaryldy
QYZYLORDA. QazAqparat - Qyzylordada kólik ishinde qysylyp qalǵan júrgizýshini alyp shyqty, dep habarlaıdy QazAqparat tilshisi.
Oblystyq tótenshe jaǵdaılar departamentiniń habarlaýynsha, oqıǵa 14 aqpanda túngi saǵat 2-de A.Baıtursynov kóshesi boıynda bolǵan. Qutqarýshylar «Aýdı» markaly kóliktiń ishinde qysylyp qalǵan júrgizýshini aman alyp qaldy.
«Bizdiń qyzmetkerler kólik apatynan zardap shegýshini qutqarý úshin gıdravlıkalyq qural-jabdyqty paıdalandy. Osylaısha ony kólik ishinen bosatyp aldy. Ol úshin kólik metalldaryn kesýge týra keldi», - dedi Qyzylorda oblystyq tótenshe jaǵdaılar departamentiniń memlekettik til jáne aqparat tobynyń bas mamany Aıgúl Nurmanova.
Kólikte qysylyp qalǵan azamat 1987 jyly týǵan. Oǵan medıtsınalyq kómek kórsetildi.
