Kólik ishinde qysylyp qalǵan 70 jastaǵy qart qutqaryldy - Qyzylorda oblysy
Oqıǵa Jańaqorǵan aýdany aýmaǵynda boldy. Qyryq jastaǵy azamat «Mitsubishi Space Wagon» avtokóligimen aýdan ortalyǵynan Sýnaqata aýylyna baara jatqan. Ol «Shymkent-Samara» tas jolynyń boıynda Túrkistan oblysynan Qyzylorda qalasyna baǵyt alǵan «Mercedes benz 817» júk kóligimen soqtyǵysqan.
«Oqıǵa ornyna Jańaqorǵan aýdandyq órt sóndirý bóliminiń qyzmetkerleri jetti. Mamandar «Holmatro» gıdravlıkalyq qurylǵysyn paıdalanyp, jeńil avtokólikte qysylyp qalǵan 70 jastaǵy qartty alyp shyqty. Oqıǵa ornyna oblystyq №14 órt sóndirý bólimi qyzmetiniń 5 mamany arnaıy avtokólikpen, tótenshe jaǵdaılar bóliminiń 1 mamany bardy», - dep málim etti oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Buǵan deıin Qyzylordada Reseıge bet alǵan júk kóliginiń órtenip ketkeni habarlanǵan bolatyn.